( الدنــــــــــــــــــــــــــــيس )

 السلام عليكم ورحمة الله

 (  الدنــــــــــــــــــــــــــــيس ) 

اتكلمنا عن القاروص / نتكلم عن سمكه تانيه لاتقل متعه عنها وهيا الدنيس

موسم الدنيس من نص شهر 10 لآخر شهر 2
الأحجام الصغيره اسمها فليجس والكبير دنيس وفى نوع تانى اسمه ملك ويكون فى لطشه صفره على خيشومها
سمك بيحب الوعر زى الشرغوش والتيوس وكمان بيحب الأماكن الخشنه والحصو وبيتحرك فى مجموعات دايريه علشان يدور على الأكل ولما تاخد سمكه من مكانك ومنعت متمشيش لأنه هيلف ويرجع لنفس المكان تانى

طرق صيد الدنيس بوصه مكنه وبوص يد

بوصه المكنه أساسى 40 وفرع 30 أو 35 ساق واحد تحت الرصاصه وتكون حره
الفليجس عايز سلاح 4 أو 5 ولو كبير عايز سلاح 1 أو 0/1 ويفضل كرش واللطش كويس بس يكون كرشو واسع
لما يضرب متردش على طول سيبو لما يطمن للطعمايه وبعد كدا رد رده جامده وتوكل على الله
بوصه يد أساسى 35 وفروع 30 سلاح 6 وممكن 5 اعمل ساق متر وواحد متر وربع والصيد باليل طبعا
الطعم بقى اسمعلاوى / جرايات / قراص / عقر مملح / نطاط / جراجولا

الشتا عايز طعم ناشف والصيف طعم طرى
طبعا موجود السمك

مينا ابوقير واسكندريه وجليم والسلسله واللسان الجديد بتاع أبو قير

يارب أكون قدرت أوصل المعلومه صح على قد علمى واى استفسار تحت أمركم