طريقه الوصول الى جزيره نيلسون اللتى تقع فى ابو قير داخل البحر الميت
اول حاجه انت لو راكب القطار او مشروع او اى مواصله هتنزل ابو قير مدخل معسكر الشباب وهتركب اى توكتوك وتقوله ودينى المينا الجديده بتاعه الصيادين هوديك هناك تنزل
تطلع على المينا وهتركب مركب من هناك للجزيره السعر للفرد 60 جنيه والرحله تستغرق حوالى ربع ساعه من الميناء للجزيره
العده المستخدمه هناك
بوصه يد 7 متر لشغل البطاطا والشراغيش والحلاليف وتاخد معاك بوصه بمكنه علشان تشتغل على الزنجاريا والجلانفيش على العايم لو حابب
تشتغل بالبرغوت والعجينه العيش او العجينه المطبوحه اى حاجه شغال ويوجد اكتر من مكان علشان تصطاد منهم راس الجزيره وتنزل تقف على الوعرايه تحت فى المياه وتشتغل بالبوصه ال 7 شلاط 18 جوز مش واسع قوى ورصاصه شريط وفله وسط
لو هتشتغل على العايم بالمكنه ممكن تقف فوق مش لازم تنزل تحت وبترمى بس شويه زفر الى هوا عيش انت سايبه فى جردل ياخد ميته وبعد كده بترميه قدامك لحد ما تلاقى الزنجاريا او الجلانفيش بيضرب عليه بتعمل
جوز واسع بالبرغوت طبعا وزرصاصه شريط سنار 7 لطش او كفته وفله كبيره بتحطها فى شعر المكنه وفله صغيره فى القرمه يفضل القرمه شعر رفيع لاننا قلنا انت بتشتغل على سمك عايم يعنى الشعر بتاعك بيكون باين ممكن يعكس عليك
تعليقات
إرسال تعليق
اترك تعليققك دائما فى خدمه الهوايه نتشرف بارائك
اسرار الصيد