بسم الله توكلنا على الله انهارده جايبلكم مكان جديد لكل عشاق الصيد فى ادكو بعد غلق المينا
هنقول وصف المكان وطرق الصيد وكل حاجه
متنسوش تدعمونا وعمرنا ما هنبخل بعملومه ابدا لوجه الله تعالى وربنا يرزق الجميع
بسم الله ( طريقه الوصول )
اولا الوصول للاسف لازم يكون معاك عربيه علشان المكان على الطريق الدولى والموصلات بتكون صعبه فى الطريق ده بالاخص
تمسك الدولى من 45 اتجاه رشيد وتفضل ماسك الطريق لحد ما تلاقى كوبرى بتروجيت مش كوبرى ادكو كوبرى بتروجيت الى على الدولى هتلاقى يافطه قبل الكوبرى مكتوب عليها شركه رشيد للغازات او البترول مش هتفرق بس موجوده اليافطه
حضرتك مش هتطلع الكوبرى ده هتنزل من تحت الكوبرى على يمينك وتلف علشان تاخد الاتجاه الى نازل اسكندريه كده تمام
بص بقى وركز علشان متسرحش على الطريق
بعد ما تمسك اتجاه اسكندريه هدى سرعتك وركز على يمينك هتلاقى سور لما تخلص السور ده هتلاقى بوابه حفر وشغل وكده هتركن عربيتك وتزل هتلاقى البحر فى وشك طول شويه وامشى هتلاقى حوض معمول سيبك من الحوض ده وعديه هتلاقى بزلت مرمى فى وش البحر اتوكل على الله هيا دى الميا
السمك الموجود هناك
كتير بتلاقى بورى وقاروص لوت وشراغيش ودنيس وفيها خير كتير ان شاء الله المكان مش محتاج اى تصريح خالص لانه فى الخلا مفيش مناطق عسكريه
طريقه الشغل والعده
يكون معاك بوصه 7 متر وجوز واسع وتوكل على الله الشغل بجمبرى حى شطناره او خشابى وشغال الصينى بردو وانا شارح قبل كده طريقه الصيد بيه
وممكن تشتغل بمكنه بفله مجنونه او فله عاديه بلاش على الارض علشان الوعر بالرغم ان فى ناس بتشتغل على الارض
اى استفسار انا تحت امركم فى اى حاجه ابعتلى او سيب تعليق
تعليقات
إرسال تعليق
اترك تعليققك دائما فى خدمه الهوايه نتشرف بارائك
اسرار الصيد