انواع الطعم _ الجمبرى او الروبيان
أولا طرق الصيد بيهم تعتبر واحده ويفضل الصيد بيهم وهوا حى وتحتفظ بيه حى بتجيب جردل وتحط فى الجردل حوالى 100 واحده فقط مش اكتر علشان ميموتش بعض وتجيب ماتور حجاره وتشغل الماتور على الجمبري وتغطي طبعا الجردل وخلى بالك الضوء بيتعب الجمبري
نجيبو ازاى بقا واحد بتجيب كشاف وملقاف ضيق وتنزل بين البلوكات وتضرب الكشاف بين البلوكات اول ما بشوف الضوء هوا بيقف ويسبت فى مكانه وتبدأ تطلعو بالملقاف
تانى حاجه بتشترى حباسه وتحطها بين البلوكات ممكن تحط جواها نص رغيف عادى وان شاءالله يكون موجود داخل الحباسه
السمك
السمك بيحب الجمبري جدا خاصا القاروص والدنيس واللوط والشراغيش
الشطناره أو الخشابى بنشكها من الديل وابعد عن خط الرمله لأن روحها فى خط الرمله أو بنشكها من الرأس
النطاط ممكن يتشك أو يدكك عادى
الشغل بقا بوصه يد أو مكنه بس بفله وساق واحد بس متر أو متر وربع وانا بشتغل كده
ملحوظه
يوجد جمبرى يباع على أساس انو شطناره ويكون صينى تعرفة ازاى بص يا سيدى الصينى ليه شنبات طويله وليه شوكه كبيره فى الرأس لو مقلتش غيرة موجود يبقا تقطع الشنبات بتاعته وكسر الشوكه إلى فى الرأس
يارب مكنش نسيت حاجه
اخوكم ايهاب أبو مريم
تعليقات
إرسال تعليق
اترك تعليققك دائما فى خدمه الهوايه نتشرف بارائك
اسرار الصيد