الصيد فى الطرح او احواض الكهربا

 

الصيد فى الطرح او احواض الكهربا

بسم الله الرحمن الرحيم

نستكمل سلسله اماكن الصيد المتنوعه فى البحر

هنتكلم عن احواض الكهرباء

اركب مشروع من المعموره البلد بجوار مزلقان المعموره البلد الكبير هتلاقى عربيات المعديه اركب وهتنزل عند محطه قطار الطرح عدى السكه الحديد بشويه هتلاقى مدق طويل بيدخلك على البحر يمينك والبحر فى وشك هتلاقى احواض الكهربا وعلى شمالك هتلاقى لسان معمول تصطاد فى اى مكان يعجبك بدون تصريح والدخول من الشروق لحد الغروب يعنى من 6 صباحا وحتى 6 مساءا ممنوع الدخول بالعربيه لو معاك متوسيكل تدخل عادى مفيش مشكله هتلاقى 3 احواض ممكن تصطاد داخل الاحواض بطاطا وشراغيش وممكن تصطاد بالجمبرى خارج الحوض بالمكنه والفله المجنونه على القاروص او اللوت

تانى حوض نفس النظام بالظبط وانت بقا داخل على تالت حوض هتلاقى سالك عدى منه هتلاقى صلبان وحوض كبير ده ممكن تصطاد فيه بس منصحكش اصطاد بعد السلك على الصلبان تشتغشل بالمشرشر والجمبرى الحى والجندوفلى الاحمر كويس بالبوصه اليد افضل علشان الوعر كتير

هتطول شويه هتلاقى بلوكات ودى قصر ممكن تصاط فيها او تطول لحد ما توصل للحوض السخن هترمى هناك بالمكنه مع اتجاه التيار بالمشرشر او التجريه ولو عايز تشتغل على البطاطا اشتغل بالبوصه اليد جمب الحديد

اى استفسار تحت امركم

اخوكم ايهاب ابو مريم

السلام عليكم ورحمه الله انتظرو باقى سلسله اماكن الصيد فى خط شرق ان شاء الله