اماكن للصيد فى بلطيم والبرلس
اماكن للصيد فى بلطيم والبرلس
بسم الله الرحمن الرحيم
نتكلم عن اماكن صيد المالح فى البرلس وبلطيم
اولا هنروح على البرلس وانت رايح كفر الشيخ البرلس تعتبر مكان مهم جدا لصيد الاسماك منها العزب ومنها المالح طبعا موضوعنا عن المالح والبرلس قبل مدخل كفر الشيخ اول ما تطلع كوبرى البرلس بعد ما تعدى الكوبرى انزل يمينك على طول هتلاقى مخل مياه بيصب داخل البحر وعلى شمالك بحيره البرلس وكلنا طبعا عارفينها
المهم هتنزل هتلاقى بزلت على الجمب والمكان مناسب جدا لكبار السن مفيهوش بهدله ولا اى تعب طول المكان مناسب لاعداد كبيره من الصيادين والصيد هناك بوصه يد او مكنه عادى الاتنين شغال وكمان الطعم بيكون جمبرى حى ودود مشرشر وممكن برغوت حى من هناك علشان البيئه الى السمك عايش فيها واى استفسار عن المكان انا فى الخدمه والسمك هناك لوت قاروص ودنيس
بلطيم فى مكانين اول مكان
المصيف
طبعا عارفين مصيف بلطيم بتدخل عادى المصيف وبتطلع على البحر اخر المصيف وهنا بس فى مشكله المسافه بين الحاجز والشارع من المصيف رمليه فى ناس بتدخل بالعربيه وناس بتركن العربيه برا وانا افضل اركنها برا ومكان امن متخفش
هتلاقى حاجز كبير بعرض البحر ودا موجود عليه بلوكات وصلبان ترمى بالمكنه او بالبوصه اليد الاتنين شغال والطعم زى ما قولنا جمبرى حى ومشرشر
القطم
بعد المصيف بحوالى كيلو بتلاقى على يمينك مدخل بتمشى معاه وتدخل وبتركن عربيتك على الشط عادى جدا والمكان امن بردو لان فيه حرس حدود وبيلفو طول النهار
القطم دى حواجز صغيره فى قلب المياه بس بالطول مش بالعرض زى حواجز المصيف والحاجز الواحد حوالى 500 متر او اكتر شويه ويوجد سمك كتير هناك مثل حلابيش وشراغيش وقاروص ولوط مكان كويس ويوجد هناك حوالى 7 قطم مش فاكر بالظبط
الشغل هناك بوصه ومكنه بردو بس الطعم الاساسى الاسمعلاوى هناك باشا صياد يعنى
انا خلصت وصف المكان ده اى استفسار سيب تعليق وهرد عليك وتحت امر اى حد فى الجروب او خارج الجروب
ودى بعض من صورى هناك وصيدى من هناك
ايهاب ابو مريم
تعليقات
إرسال تعليق
اترك تعليققك دائما فى خدمه الهوايه نتشرف بارائك
اسرار الصيد