الجمبرى الصينى ( الصيد بالطعوم الحيه )

 

الجمبرى الصينى ( الصيد بالطعوم الحيه  )

اولا احب اوضح حاجه هوا مش جاى من الصين ولا حاجه هوا اطلقه عليه بس الاسم ده لانه من بتاع البرلس او البحيرات دا بيكون بتاع رشيد او المعديه او الطرح

طعمايه كويسه وشغاله فى جمب شرق كويس لان دى ميتها وليه شنبات كبيره وشوكه فى نص راسه ودى السمك بيخاف منها علشان كده احنا لما بنيجى نصطاد بيه بنكسر شوكته دى وكمان بنقطع شنباته علشان السمك بيخاف يدخل عليه

بس فى سمك ولا بتفرق معاه وبيدخل عليه عادى جدا بس الافضل شيل الشنبات واكسر شوكته

بيدخل عليه قاروص وشراغيش كبيره ولوت ودنيس والنقط والسياسى بردو بيدخل عليه

اهم حاجه لما تشترى الجمبرى ده يكون معاك ماتور هوا الى هوا بتاع سمك الزينه بس شغال بالحجاره او ماتور شحن ويكون معاك جردل والجردل ده اخرك فيه 50 او 60 جمبرييايه بس لان كتره بيموت الجمبرى وبيخلى الجمبرى ياكل بعضه انت ممكن تعيشه عندك عادى لمده اسبوع بس هيهدر منك طبعا لانه بياكل بعضه يفضل قبل ما تطلع بيوم تشتريه

طريق الصيد بيه

بتجيب سلاح 4 او 3 انا بشتغل بكده وانت وراحتك بوصه يد 7 او 8 متر شعر اساسى 30 فله وسط ترميل 25 او اقل على حسب الميا وسلاح واحد بس فى ناس بتشتغل بسلاحين بس ممكن الكلام ده فى النطاط لاكن الافضل سلاح واحد علشان متخيلش السمكه ولا تكعبل نفسك رصاصه شريط

شك الجمبرى من الديل او من الراس من فوق وتوكل على الله

اى استفسار انا تحت امركم ( لو عايزين اى شرح عن اى حاجه ابعتولى فى الكومنتات وانا تحت امركم ) يارب مكنش نسيت حاجه

ايهاب ابومريم