معظم انواع طعوم الصيد لعشاق صيد الاسماك

 

معظم انواع طعوم الصيد لعشاق صيد الاسماك

 

معظم انواع طعوم الصيد لعشاق صيد الاسماك

السلام عليكم ورحمه الله اعضاء الجروب الكرام

انهارده هنتكلم عن انواع الطعوم وطريقه الصيد بيها

 < 1/ دود المشرشر

الدود دا يستخدم فى صيد القاروص والدنيس والشراغيش وغيرو من الاسماك ولا

يصلح للصيد بالمكنه لان الدودايه دى ضعيفه جدا وهذه الدوده تظهر فى الشتاء

فقط ولا تصلح للصيد بيها فى الصيف لا تستحمل سخونه المياه / وطريقه الصيد

بيها بتجيب العيار او اكتر على حسب شغلك وبتجيب 5 او 6 دودات وبتشكها من

رسها فى السلاح لان الراس اجمد مكان فى جسمها وبتسيب باقى الدوده نازله من

السلاح طبعا اكتر من دوده ودا بيكون حى فى الميا ويستفز السمك علشان كدا

السمك بيدخل عليه على طول ويفضل سلاح يكون بسلكه رفيعه علشان ميموتش الدوده

2/ الدود القراص

 موجود طول العام وهيا طعمايه ممتازه جدا للسمك ويمتاز بقوه الدوده واستحمالها للتشويح بالمكنه

الدوده ممكن تدككها فى السلاح او ممكن تدكك نصها او على قد السلاح وتسيب

الباقى نازل من السلاح فى قراص ميا وفى قراص خيش والاتنين واحد على فكره بس

قراص الخيش بيكون العيار اقل شويه من الميا 

3/ الاسمعلاوى معشوق

الدنيس والشراغيش بردو طوال العام ويمتاز يقوه وبيكون لونه اصفر وعليه طبقه

فسفوريه بتدى للحنش ضوء فى الميا بيخلى السمكه تدخل عليه على طول ويشتغل

بالمكنه والبوصه اليد بس الافضل للمكنه طبعا على الدنيس والشراغيش <br /> فى نوعين من الدود الاسمعلاوى 

نوع بنجيبو من الاسماعليه ودا الاصلى او النوع الكويس وفى نوع بيجى من ابو

قير والطرح وبتاع الاسمعاليه دودايه بتيجى فى خيش وبتكون مسكه نفسها

وصبغتها عاليه جدا 

 اما النوع التانى بتاعنا الدودايه كويسه بردو بس

معظم الدود تلاقى وانت بتطعم مصارين الدوده بتطلع بس شغال احسن من مفيش

وغلو الاسمعلاوى التانى وبيجيب سمك بردو 

4/ ابو جراب طعمايه ملهاش

حل وتمتاز بقوه زفاره عاليه بيدخل عليها معظم انواع السمك وابو جراب دا

اطلقو عليه الاسم دا علشان سبحان الله بيعمل لنفسو جراب من الطين فى المكان

الى بيعيش فيه ويكون الطعم دا محتاج ماتور لو هتقعدو فتره مثلا 

5/دود النار 

دوده شبيه جدا للقراص بس اطول واجمد نوعا ما وتمتاز بقوتها

وملمسها الناعم لانها وانت بتطعما بتفرز ماده لزجه لما بتحس باى شيى قرب

منها بس قويه جدا وزفره وطعمايه يتلاهم عليها الصيادين الايام دى 

6/ دود الوعر 

دود شبه المشرشر بس اكبر شويه وبتكون الدوده تحس ان عليها فرو

بسيط ودوده كويسه بس للاسف ليها ايام السمكه تكون ماسكه عليها مش زى باقى

الطعم مثلا والعيار بيكون فى كيس ميا بردو شبه القراص

7/ الجمبرى

1/ النطاط 

وهو طعمايه كويسه جدا للشراغيش والدنيس ودا ممكن تشتغل بيه حى

او ممكن تشكو من الديل بعيد عن خط الرمله علشان مايموتش او تشكو من الراس

والكيلو يتراوح من 120 وحتى 180 جنيه

2/ الشطناره طعمايه ممتازه

جدا للقاروص ودا بنشتغل بيه بنشكها زى النطاط طبعا والطعمايه دى فى المعديه

ورشيد وادكو ملهاش حل اجمد من النطاط ولازم يكون معاك جردل كبير

وماتور بحجاره علشان تعيشو معاك وانت بتصطاد او يكون معاك عياشه جمبرى

وتسبها فى الميا وتطلع الى يكفيك للصيد بس على قدك وترجع الباقى للعياشه 

3/ الخشابى

 ليها وقت بتضرب جميع انواع الطعوم مسكره والسمكه بتحبها ونفس طريقه الشطناره والنطاط طبعا فى طريقه الصيد والحفاظ عليها 

4/ العقر

 العقر بيكون فى السوق من 10 الى 20 جنيه للكيلو ودا ممكن تقشرو

وتملحو بملح خشن او تشتغل بيه طازه او ممكن تملحو بقشرو ودا للشط والتسقيط

وبياكل عليه الشراغيش والحلاليف والغلانفيش والزنجاريا وكذا سمكه

5/ البرغوت 

بتاع الغلابه المفروض واى سمكه بتاكل عليه وكلنا عارفين تطعيمه والصيد بيه عزب ومالح شغال 

وفى طبعا طعوم ناسيها بس ان شاء الله كل يوم هيكون فى مواضيع عن الطعوم

والسمك ان شاء الله واماكن الصيد المالح والعزب وكل ما يخص الصيد والصياد

تحياتى اخوكم ايهاب ابو مريم